Heim Stangveiði Risalax fyrir austan!

Risalax fyrir austan!

Laxinn er að ganga að ströndinni og brátt berast væntanlega fréttir að hann sjáist í hverri ánni á fætur annarri. Einstöku sinnum veiðast þeir í grásleppunet og þessi kom fyrir nokkrum dögum í slíkt net fyrir austan undir Skálanesbjargi milli Seyðisfjarðar og Norðfjarðar . Þetta er mitt á milli Breiðdalsár og Jöklu sem eru miklar stórlaxaár og freistandi að ætla að hann hafi verið á leið í aðra hvora! Þetta kemur fram hjá veiðiþjónustunni Strengjum sem að m.a. leigja út veiðileyfi í Breiðdalsá og Jöklu.

Veiðimaður var Haraldur Árnason og sagði hann að þetta hafi verið glæsilegur lax og greinilega af náttúrulegum stofni en skaddaðist aðeins í netinu sem von var. Hann vó slett 15 kg og er 112 cm langur og mjög þykkur, glæsilegur fiskur. Tekið verður hreisturssýni af laxinum og þá verður hægt að fá meiri upplýsingar um hann.
Við opnum Jöklu 27. júní og Breiðdalsá 1. júlí og miðað við hvernig vorar þarna fyrir austan lofar það góðu með startið. Til dæmis er Jökla strax komin í sumarvatn 20-30 rúmmetra á sekundu miðað við að á venjulega vori væri eðlilegt yfir 200 á þessum tíma! Og vatnshitinn er strax komin í 9-10 C og ekkert því til fyrirstöðu að laxi gangi hratt upp Jöklu í þessum skilyrðum. Reyndar fullyrti bóndi einn við ánna að hafa séð lax stökkva þar fyrir helgi er hann var á ferð við Jöklu en kanski var um að ræða niðurgöngulax, en hver veit, gæti líka bara verið mættur óvenju snemma!
Það eru lausar stangir fyrstu vikuna og aðeins inn í júlí í bæði Breiðdalsá og Jöklu svo það er ekki of seint að athuga hvort þeir „stóru“ séu ekki mættir þá að bíða eftir agni veiðimanna!
- Advertisment -

Most Popular

Helgi Björnsson – Blússandi byrjun í Norðurá

,,Þetta var gaman, konan fékk lax og ég setti í tvo  en náði svo þeim þriðja, bara gaman og  frábært veður,, sagði...

Helgi Björns og Vilborg opna Norðurána

Norðurá í Borgarfirði opnar formlega á fimmtudagsmorgunin næstkomandi klukkan átta og það verða þau Helgi Björnsson söngvari og kona hans Vilborg Halldórsdóttir...

Rjúpum fjölgaði í öllum landshlutum nema á Norðurlandi

Rjúpnatalningum á vegum Náttúrufræðistofnunar Íslands vorið 2020 er lokið. Rjúpum fjölgaði í öllum landshlutum nema á Norðurlandi en þar var fækkun.

,,57cm skepna, ummál 38cm, tók Holuna“

Hafþór Bjarni Bjarnason fékk þennan flotta fisk sem mældist 57cm og ummál 38cm. ,,Hann tók Holuna. Veiðistaður er...

Recent Comments