,,Náði því í fyrsta sinn að hitta tvær með einu skoti. Sú þriðja lagði á hraðan flótta en þá var gott að eiga neðra hlaupið eftir. Flottur dagur!“ Þannig lýsir einn veiðimaður deginum í dag, næst síðustu helgina í rjúpu.
Annars hefur gengið misjafnlega eftir landshlutum í veiðinni. Við fréttum að lítið sem ekkert hafi verið á Holtavörðuheiðinni eða eins og einn veiðimaður orðaði það: ,, Engin rjúpa eftir daginn og heyrði heldur enga skotkvelli.“ Þá sagði annar veiðimaður að hann hefði farið vel norður fyrir Holtavörðuheiðina og ekki séð neitt.
